هەر لدەمێ ئەز قوتابی بووم من دگەل رێکخراوان کاردکر وەک راويژكارا ده روونی بۆ چارەسەرکرنا کەسانێن پێتڤی د ژیێن جیاواز دا کو ژ ٣ هەتا ٦٠ سالی بوون، هەر ژ ٢٠١٧ وەرە تا نوکە من نیزیکی ٧٠٠٠ کەسان من دیتینە، و ژ سەرهاتیێن ژیانا وان و ئەو نەخۆشیێن ئەو تێدا دەرباز بووین بۆ من بوونە پالدەرێن بهێز کو هندی بشێم هاریکاریا پێتڤی بۆ ئەو کەسێن داخازا هاریکاریێ دکەن دابین بکەم هەتا ئەو بشێن لسەر رێگر و نەخۆشیێن خۆ بسەرکەڤن برێک و تەکنیکێن چارەسەریا دەروونی. هەروەسا ئەز وەک راوێژکار/چارەسەرکارا دەروونی لدەمێ من دیتی کو ئەز ئێک ژ ئەگەرێن هاریکار بووم کو ئەو کەسێ پێتڤی هاریکاریێ بووی لسەر نەخۆشیێن خۆ زال بوو، بۆ من بۆ هاندەرەکێ بهێز کۆ ئەز پتر هاریکاری، پالپشتی، رێک، تەکنیکێن نووی و ئاست بەرز دابین و بەردەست بکەم بو وان ئ هەر کەسێ داخازا هاریکاریێ بکەت، دگەل هندێ کو ئەو هەست ب ئارامییا دەروونی، جەستەی و گییانی بکەت دا کو پتر مفایێ ژمن و ژ رێکێن ئەز بکاردئینم دپەیوەندییا مە یا چارەسەریانەدا وەرگریت.