لدەمێ من وەک چارەسەرکارێ دەروونی دەست بکاری کر لسالا ٢٠٢٠، د دەمەکێ کورت دا پتری ٢٠٠ کەسێن ل هاریکاریا دەروونی دگەریان من چارەسەکرن هەر ژ ژیێن ٦ تا ٥٠ سال ژ هەردوو رەگەزان. هەر ژ بچویکاتییا خۆ من حەز ژ هاریکارییا خەلکی دکر بتایبەت گۆهلێکرن، پشتگری کرن و دابینکرنا هاریکارییا درۆست بۆ ریدانێن ژیانێن وان؛ ئەڤە بۆ من بۆ ئەگەرەک کو من بوارێ دەروونناسی ژێگرت چۆنکە من پتر ئەگەرێن گۆهۆرینێن د دەروونێ مرۆڤان درۆست دبن نیاسی، بەرسڤێن مە بۆ ڤان گهۆرینان، خێزان و هەڤال چەوا کارتێکرنێ لسەر مە دکەن، و کا دەروونێ درۆست چەوایە و چەوا دێ شێین بدەستڤە ئینین. چ پێنەڤێت بدەستڤە ئینانا ئەنجامەکێ ئەرێنی دڤێت ئەو کەسێ داخوازا هاریکارییێ بکەت باوەری هەبیت ب چارەسەرییا دەروونی و چارەسەرکارێ خۆ یێ دەروونی، ژبەر کو پەیوەندیێن مە دگەل ئەو کەسێن ئەم هاریکارییا وان دکەین لسەر بنەمایێن مۆکم یێن راستگۆیی، باوەری، پاراستنا نەهێنییان، و رێکێن زانستی دهێنە درۆست کرن. پتر شارەزابوون د چارەسەرییا دەروونیدا ئارمانجا منە د پاشەرۆژێدا؛ دا کو پتر هاریکاریەکا بهێز و راستەقینە بەردەست بکەم بۆ کەسێ داخازا هاریکاریێ دکەت، دروستکرن و نڤێسانا پەرتووکان بۆ نەوەیێ نوی ژ بۆ پتر وەرگرتنا مفای و پتر پێزانین هەبن دەربارەی چارەسەرییا دەروونی، ئارمانج و رێکێن وێ، دا د شییانا من و چارەسارکارێن پاشەرۆژێ دا بیت دەروونێ مرۆڤان بدروست و شارەزایی شیکار بکەین و لدویڤ وێ شیکارێ هاریکاری و چارسەرییا دروست دابین بکەین.